OBRADOIRO DA PAISAXE


Imprimindo mapas 3d do relevo


 Neste curso abrimos unha nova sección que chamamos obradoiro da paisaxe onde terán cabida todos aqueles traballos que supoñan a utilización ou fabricación de materiais que nos axuden a entender mellor a paisaxe. Imos incluír aquí tanto traballos que expliquen cómo descargar datos, ou  facer follas de cálculo como traballos máis manuais que impliquen o uso de ferramentas manipulativas, ou que teñan unha saída máis física. 

Iniciamos a sección cun vídeo realizado polos alumnos de  TICs de 4º da ESO onde se nos explica pormenorizadamente cómo construir unha maqueta 3D cunha impresora 3D (Leon 3D Legio v05) das que temos no centro.

Paso a paso nos introducen no manexo de software específico , imprescindible para realizar a maqueta e descargable de balde da rede. En concreto se describe o uso do Touchterrain. Un software que nos permite descargar  os arquivos  do relevo que nos queiramos en formato stl. 

As impresoras 3D que temos nos centros non len arquivos stl polo que hai que convertilos a gcode. Para iso debemos descargar outro programa ,o Ultimaker Cura que nos vai permitir laminar o arquivo stl e convertilo nun gcode que xa pode ser lido pola impresora 3D.




2022-2023                                                                                                                             

 Reducir a pegada. Unha auditoría de sustentabilidade ao CPI Pontecesures

Os dez alumnos e tres alumnas de 3º de Educación Dixital, en colaboración cos cinco alumnos e unha alumna de 3º de Educación Plástica, Visual e Audiovisual en Galego elaboraron unha peza audiovisual na que realizaron unha auditoría de sustentabilidade informal do noso centro (C.P.I. Pontecesures), destacando os puntos fortes e fracos desde o punto de vista da sustentabilidade medioambiental e engadindo propostas de mellora para reducir nosa pegada de carbono.





Montaxe e posta a punto dunha estación meteorolóxica automática Davies Vantage Vue.


Os 6 alumnos de Cultura Científica participamos este ano no Proxecta instalando unha estación meteorolóxica automática Davies Vantage Vue. Durante o  segundo e terceiro trimestre nos fumos empapando en todo o necesario para a súa correcta situación  e posta a punto. Contamos coa colaboración do personal de obras do Concello, e en concreto de Manel , que nos deseñou un sistema para poder subir e baixar a estación de forma cómoda, e instalou o tubo coas ancoraxes na parede do edificio de administración. 


Despois de barallar distintas localizacións  en función de factores como: precisión á hora de recoller os datos sen interferencias, comodidade por se hai que baixar a estación para limpala ou cambiar a pila, proximidade ao receptor de radio do sinal, limitar a susceptibilidade a accións vandálicas etc, decidimos instalala nun lateral próximo ao vértice surleste do edificio de Administración, xusto enriba de Dirección. 

 A estación montada e xa en funcionamento foi izada a unha altura de 4,5  metros do solo, uns dous metros por enriba do tellado, para evitar os posibles efectos de apantallamento tanto do vento como do sobrequecemento do aire, que poderían dar erros de medición.

Previamente a súa colocación tivemos que montar todos os seus compoñentes: Anemómetro, veleta, cazoletas do pluviómetro, etc, e revisar que funcionaran correctamente enviando a sinal de radio axeitado á consola Vantage vue. 

A consola tivo que ser programada co perfil de datos da nosa localización, a saber: coordenadas, altura, precisión e unidades de medida de todos as variables, hora, etc.

A estación permite medir:

  •  Temperatura interior  e exteriór cunha resolución  de 0,1°C.
  •  Humidade exterior e interior cunha resolución do 1%
  •  Presión atmosférica cunha resolución de  0,1 hPa.
  •  Índice de calor cunha resolución de 1°C. Punto de Rocío cunha resolución de 1°C ,          Sensación de temperatura cunha resolución 1°C.
  •  Precipitación cunha resolución de  0,25 mm.
  • Velocidade do vento de 3 a 241 Km/h - Resolución 1 Km/h.
  • Dirección do vento - Resolución 1°.

 Tamen dispoñemos e instalamos o módulo Weather link IP que permite conectarse a internet vía wifi e difundir os datos na nube “weatherlink.com”. Deste xeito os datos poden consultarse en tempo real en smartphones, tabletas ou ordenadores gracias a web weatherlink.com



Para almacenar os datos puxemos na entrada de administración un Pc 24/7 co software WL605 full que permite coller os datos do link e almacenalos para despois ser traballados en formato txt en follas de cálculo tipo EXCEL. Esta ano aínda non nos puxemos con esto pero o obxectivo para cursos sucesivos e traballar os datos para poder tipificar o clima de Pontecesures e comparalo coas estacións veciñas de Meteogalicia das cales tamén podemos volcar datos.


Fontes

 

 


Publicacións populares deste blog

Introdución

Imaxe
C omezamos este blogue adicado ao estudo da Paisaxe e Sustentabilidade en Pontecesures cun plano que representa a visión da paisaxe máis antiga do noso territorio. Foi elaborado en 1751 como complemento visual do Catastro de Ensenada , o cal tiña como fin facer unha recompilación exhaustiva do territorio e dos seus valores materiais: censo de habitantes, núcleos de poboación, cultivos, cabezas de gando, madeira, vías de comunicación, etc,  para  así  organizar de xeito máis lóxico e xusto o pago de impostos ao Reino de Castela. Daquela Galicia estaba dividida en 7 provincias, e en concreto Cesures, pertencía á Provincia de Santiago, Xurisdición de Padrón e a Freguesía de San Xulián de Requeixo. Plano en perspectiva de Padrón y sus alrededores con indicación, entre otros, de Puente Cesures y el río Ulla . Archivo de Simanca s O plano representa unha  suposta panorámica dende  o Monte San Gregorio en Padrón, e cubre, de esquerda a dereita, o percorrido entre  Adina, en Padrón
Read more »