Lendo cos pés

Os alumnos de 4º de E.S.O. na materia de Dixitalización elaboraron cadanseu podcast utilizando o equipamento concedido para a aula de polos creativos.  Os alumnos que participaron, Anxo Gil Ferreiro, Lucas Lagares Castiñeiras, Bruno Mosquera González, Telmo Santiago Lorenzo e Roi Troáns Rodríguez, reflexionaron sobre contidos  relacionados coa Sostibilidade, a Economía e a Dixitalización: É posible unha economía capitalista sostible?, Cales son os pros e os contras da Dixitalización en relación coa Sostibilidade?, Cales son os beneficios da Dixitalización en relación ao Desenvolvemento Sostible?, Que perigos para o Desenvolvemento Sostible suscita a Dixitalización?... O alumnado redactou o seu podcast, gravouno e editouno durante as horas da materia despois das explicacións e coa supervisión, en todas as fases, do profesor da materia, Enrique Villanueva López. Pódense escoitar na seguinte ligazón:  PODCASTS

Dende o mes de abril ata a última semana do curso, o alumnado de 1º, 2º e 4º, coa colaboración das aulas de Educación Infantil, traballou arreo na Horta Escolar.  Plantaron leitugas, cebolas, allo porros, cabaciñas, amorodos e ata xirasois.  Dende preparar a terra para plantar, ata poder levar as leitugas para casa percorreron un camiño cheo de texturas, cores e aprendizaxes: FOTOS

 No 3º trimestre o alumnado de Primaria realizou recreacións dalgunhas das obras de arte máis características de 3 dos artistas máis recoñecidos da nosa vila.  En 1º e 2º, reinventaron os cadros da pintora Socorro Frois: En 3º e 4º, imaxinaron como sería a cerámica de Oria Moreno: E en 6º, recrearon a obra de Carlos Maside: O currículo de Ciencias Sociais, no bloque “Leccións do pasado”, recolle que en 6º de educación primaria se debe “Coñecer persoas, grupos sociais relevantes e formas de vida das sociedades desde a Idade Media ata a actualidade”; ademais, no curso actual, dende a biblioteca escolar propúxose como eixo central de aprendizaxe “Vemos Pontecesures con outra mirada”. Tendo isto en conta, o alumnado realizou unha investigación sobre Carlos Maside. Carlos Maside García (1897-1958) foi un pintor galego do grupo dos renovadores, nacido en San Xulián (Pontecesures). Os Renovadores, ou o Movemento Renovador, foi un grupo de artistas galegos que quixeron renovar ...

Para poñer o broche final a este proxecto anual que ten como obxectivo principal coñecer mellor a nosa vila, a nosa contorna, o alumnado de 2º ciclo realizou unha saída na última semana de clase. Visitaron os lugares emblemáticos do Concello: o Alfolí, a Praza de Abastos, o Coche de Pedra, a Plazuela, a Igrexa... FOTOS

  En grupos de 5 ou 6, o alumnado de 1º E.S.O. elaborou unha exposición de fotografía mostrando a diversidade atopada no concello de Pontecesures dentro do marco da materia de Bioloxía e Xeoloxía. FOTOS Para crear a exposición podían fotografar lugares importantes para eles ou para a poboación xeral, amosando seres vivos dos distintos reinos traballados ao longo do curso así como minerais e rochas presentes na contorna. Vídeo da Exposición "Pontecesures Vivo" O traballo combinou a observación científica, o coñecemento da contorna e a creatividade xa que tamén crearon os pés de fotos que identifican aos seres vivos e os marcos que adornan cada fotografía. Exemplo:

 Ao longo deste curso 25-26 o alumnado de 1º e 2º de EP da materia de Proxecto Competencial realizou unha profunda investigación sobre a nosa vila, no marco deste proxecto.  FOTOS Ademais, como broche final, fixeron un programa de radio sobre a nosa vila. Atención ao resultado! Programa na radio escolar "Ondas do Ulla"

 O 10 de xuño o alumnado de 4º EP, baixo a dirección da súa titora Dña. Isaura, estreou "De sempre traballadoras", obra teatral baseada no relato de Clara Sorribas que fora gañador do Certame Oria moreno do 2025 na categoría de Educación Primaria.  Esta obra, pode enmarcarse dentro do noso proxecto xa que a historia narrada e representada está ambientada en Pontecesures e protagonizada por unhas das mulleres máis relevantes da nosa historia próxima: as patifas.  VÍDEO

Dende o ano 1993 O Camiño de Santiago está incluído na lista de bens culturais Patrimonio Mundial da Humanidade. No último trimestre o alumnado de 6º realizou unha pequena investigación sobre a relación entre o concello de Pontecesures e o camiño de Santiago. As materias involucradas foron Proxecto Competencial e Relixión. Como proxecto final de dita investigación o alumnado debía elaborar unha presentación sinxela na que se recollese a información fundamental. Como apoio á súa investigación, realizouse unha saída polo entorno para percorrer parte do Camiño Portugués así como o final da Ruta Fluvial do Mar de Arousa e Ulla. FOTOS O resultado final do traballo realizado en ambas materias é esta presentación:

 O alumnado de 5º de EP realizou, ao longo do 2º e 3º trimestre, na materia de Música e Danza, unha serie de audiocreacións empregando sons recollidos na contorna.  O proxecto consta de dúas fases: 1. Recollida de sons en diferentes lugares do Concello. Cos audios enviados polo alumnado (por mail indicando a localización e a data de gravación) confeccionouse un BANCO DE SONS. 2. Audiocreación: - Creación dun texto (indicando que sons de dito Banco de Sons se incluirían a posteriori.  - Gravación do mesmo na Radio Escolar.  - Edición de audio con Audacity para incluír os sons previamente indicados.  - Realización de fotos ou debuxos para acompañar o audio e poder subir dita creación a Youtube en formato vídeo.  Destaca neste curso, a variedade de propostas creativas: un rap sobre Pontecesures, un audiopoema titulado "Paxariños" e dous relatos teatralizados, un de ficción titulado "O ritual" e outro máis realista "Viaxe a Pontecesures". RAP PAXARIÑOS O RITUA...

En la materia de Lengua Castellana y Literatura el alumnado de 4º ESO del CPI Pontecesures elaboró un proyecto relacionado con un espacio elegido de su ayuntamiento o alrededores. Dicho trabajo consistía en presentar un vídeo en el que apareciese dicho escenario, acompañado de una música de fondo acorde al entorno y un breve texto, de creación propia (en prosa o en verso), que se adaptase al paisaje elegido. Este escenario debería considerarse un locus amoenus, es decir, un lugar agradable y placentero en el que el alumno encontrase la paz o un momento de tranquilidad especial por diferentes motivos. También podía interpretarse el trabajo desde la perspectiva de un lugar que, en principio, no invitara al sosiego por no resultar bello, pero que por otras circunstancias expuestas en el texto creado se convirtiese en un lugar emblemático para el alumno (recuerdos del pasado, paseos con una persona querida, evolución del lugar, etc.). De los proyectos presentados, se seleccionaron los...

No mes de marzo puxemos a andar a Radio Escolar: Ondas do Ulla. Cada titoría preparou unha entrevista dunha persoa de Pontecesures que destaque polo seu desempeño profesional.  Comezou a aula de 3º, coincidindo coa celebración do 8M, entrevistando a Noa García, futbolista, xogadora d'As Celtas. Seguiron: a aula de 4º, entrevistando ao futbolista tamén Fran Vieites, a de 5º conversando con Alba Buján, deportista de canicross, e a aula de 6º, conversando co Capitán Tarteiras, cociñeiro nun buque pesqueiro e creador de contido en redes sociais.  FOTOS Entrevista a Noa García (3º) Entrevista a Fran Vieites (4º) Entrevista a Alba Buján (5º) Entrevista ao Capitán Tarteras (6º) No terceiro trimestre realizamos tamén a entrevista a Elena Vidal, principal impulsora do Belén de Porto. Entrevista a Elena Vidal (1º)

O xoves 26 de marzo o alumnado de 1º e 2º de Primaria foron ata o Monte Galiñeiro para plantar árbores e conmemorar así este 21 de marzo, Día da Árbore.  Esta actividade, organizada en colaboración co Concello e os axentes forestais, permitiu aos nenos e nenas coñecer o monte próximo, familiarizarse con como é unha plantación e coñecer de primeira man as ferramentas e as motobombas que se empregan no coidado dos nosos montes.  Foi unha xornada xenial! FOTOS