BIOLOXÍA - 1º ESO

 

En grupos de 5 ou 6, o alumnado de 1º E.S.O. elaborou unha exposición de fotografía mostrando a diversidade atopada no concello de Pontecesures dentro do marco da materia de Bioloxía e Xeoloxía.

FOTOS

Para crear a exposición podían fotografar lugares importantes para eles ou para a poboación xeral, amosando seres vivos dos distintos reinos traballados ao longo do curso así como minerais e rochas presentes na contorna.



O traballo combinou a observación científica, o coñecemento da contorna e a creatividade xa que tamén crearon os pés de fotos que identifican aos seres vivos e os marcos que adornan cada fotografía. Exemplo:



Publicacións populares deste blog

Introdución

Imaxe
C omezamos este blogue adicado ao estudo da Paisaxe e Sustentabilidade en Pontecesures cun plano que representa a visión da paisaxe máis antiga do noso territorio. Foi elaborado en 1751 como complemento visual do Catastro de Ensenada , o cal tiña como fin facer unha recompilación exhaustiva do territorio e dos seus valores materiais: censo de habitantes, núcleos de poboación, cultivos, cabezas de gando, madeira, vías de comunicación, etc,  para  así  organizar de xeito máis lóxico e xusto o pago de impostos ao Reino de Castela. Daquela Galicia estaba dividida en 7 provincias, e en concreto Cesures, pertencía á Provincia de Santiago, Xurisdición de Padrón e a Freguesía de San Xulián de Requeixo. Plano en perspectiva de Padrón y sus alrededores con indicación, entre otros, de Puente Cesures y el río Ulla . Archivo de Simanca s O plano representa unha  suposta panorámica dende  o Monte San Gregorio en Padrón, e cubre, de esquerda a dereit...
Read more »

Visita ao BELÉN DE PORTO

Imaxe
O mércores 17 de decembro, o alumnado de Educación Infantil e 1º de Primaria visitamos o Belén de Porto.  Todos os anos, dende 2017, as veciñas de Porto, fan un Belén Artesanal empregando material reciclado, fundamentalmente vimbio. A encargada de idear e supervisar as tarefas deste proxecto é Elena Vidal, avoa dun dos nosos nenos, polo que tivemos a sorte de que nos acompañara na visita. A novidade deste ano foron algunhas ovellas e pastores, feitos con vimbio e lá auténtica.  Ás nenas e nenos encantoulles o Belén e desfrutaron do paseo de ida e volta ata alí, que para algunhas era moito!! Iniciamos así o proxecto nestes niveis para este curso.                                                                            FOTOS !
Read more »

ENTROIDO

Imaxe
O venres 13 de febreiro celebramos o Entroido no colexio. Os disfraces das aulas correspondían a persoas, personaxes e colectivos emblemáticos da nosa vila: Pontecesures.  As tres aulas de Educación Infantil eran a os caramelos da nosa tenda de chuches favorita, as nenas e nenos de 1º e 2º convertíronse nos remeiros do Náutico Pontecesures, o alumnado de 3º e 4º vestíronse dos típicos peregríns que vemos pasar por diante da escola, polo Camiño de Santiago, mentres que 5º e 6º quixeron encarnar aos valeiros, preparados para comezar a tempada de pesca da lamprea.  O alumnado da ESO tamén participou: 1º ESO como comisión das Festas de Porto, 2º ESO como traballadoras/es da Praza de Abastos, 3º ESO como futbolistas do Ulla C.F. e 4º ESO representando a visita dos Reis a Casa Castaño para degustar a súa comida.  Neste vídeo pódese ver o desfile, ver as actuacións do alumnado da ESO e tamén a tradicional actuación de todo o alumnado do centro (EI, EP e ESO), neste caso bailando...
Read more »