ARTISTAS DE PONTECESURES - EP
No 3º trimestre o alumnado de Primaria realizou recreacións dalgunhas das obras de arte máis características de 3 dos artistas máis recoñecidos da nosa vila.
En 1º e 2º, reinventaron os cadros da pintora Socorro Frois:
.jpeg)
O currículo de Ciencias Sociais, no bloque “Leccións do pasado”, recolle que en 6º de educación primaria se debe “Coñecer persoas, grupos sociais relevantes e formas de vida das sociedades desde a Idade Media ata a actualidade”; ademais, no curso actual, dende a biblioteca escolar propúxose como eixo central de aprendizaxe “Vemos Pontecesures con outra mirada”. Tendo isto en conta, o alumnado realizou unha investigación sobre Carlos Maside.
Carlos Maside García (1897-1958) foi un pintor galego do grupo dos renovadores, nacido en San Xulián (Pontecesures).
Os Renovadores, ou o Movemento Renovador, foi un grupo de artistas galegos que quixeron renovar as formas plásticas da arte galega na primeira parte do século XX, en especial a partir da década de 1920. Esa “renovación” caracterizouse pola integración progresiva de novas formas e técnicas pictóricas, escultóricas, escenográficas etc. derivadas das vangardas europeas, buscando modernizar a expresión artística sen romper radicalmente coa tradición e a identidade cultural galega.
Como produto final do proxecto, cada alumno/a tiña que realizar un traballo artístico no que reflectise algún lugar da localidade usando as técnicas do mencionado pintor. Cos traballos presentados realizouse unha exposición no corredor titulada: “Vemos Pontecesures coa Mirada de Carlos Maside”.
